![success](https://g-tea.am/wp-content/webp-express/webp-images/themes/gtea/assets/img/icons/fi_check-circle.png.webp)
![fail](https://g-tea.am/wp-content/webp-express/webp-images/themes/gtea/assets/img/icons/fail.png.webp)
Այսօր գրաֆիկ դիզայների դերն անփոխարինելի է ցանկացած բիզնեսի համար: Սկսած ստարտափներից, մինչև միջազգային ընկերություններ, գրաֆիկ դիզայները վճռորոշ դեր է խաղում ընկերության ինքնության ձևավորման գործում։
Այսօր կներկայացնենք, թե ինչպես է գրաֆիկ դիզայներն օգնում բիզնեսին։
Գրաֆիկ դիզայների առաջնային պարտականություններից մեկն է ստեղծել և պահպանել բրենդի ինքնությունը: Սա ներառում է բրենդի ֆիրմային ոճի ստեղծումը, գունային սխեմաների և տառատեսակների ընտրությունը, որոնք համապատասխանում են ընկերության արժեքներին և տեսլականին: Ճիշտ ընտրված բրենդային ոճն օգնում է բիզնեսին առանձնանալ շուկայում՝ դարձնելով այն ճանաչելի և վստահելի։
Գրաֆիկ դիզայները բարդ գաղափարները փոխակերպում է հեշտ հասկանալի պատկերների և փոխանցում լսարանին անհրաժեշտ ինֆորմացիան։ Մեր ուղեղը շատ ավելի արագ է մշակում վիզուալ տեղեկատվությունը, քան տեքստը, ուստի այժմ չափազանց կարևոր է օգտագործել գրավիչ վիզուալ էֆեկտներ կայքում, սոց․ ցանցերում, ինչպես նաև տպագրական նյութերում։
Գրաֆիկ դիզայները ստեղծում է գրավիչ վիզուալներ՝ մարքեթինգային արշավների, սոցիալական ցանցերի, ինչպես նաև Email մարքեթինգի համար։ Ճիշտ և գեղեցիկ դիզայնը կարող է զգալիորեն բարձրացնել ստեղծված մարքեթինգային արշավների արդյունքները՝ գրավելով ուշադրություն և ավելացնելով ներգրավվածություն։
Ուշադրություն գրավելու համար պետք է հետաքրքրել սպառողին: Վաճառող դիզայնն ընդգծում է ապրանքի առավելությունները և հեշտացնում գնման ընթացքը։ Ավելի հեշտ է դա անել վառ, բայց մինիմալիստական պատկերով կամ փաթեթավորմամբ, քան ցանկացած բովանդակության տեքստով: Թեև նույնիսկ բառերն ու տառերը հնարավոր է ձևավորվել այնպես, որ դրանք վաճառող տեսք ունենան. դիզայնի աշխարհում դա կոչվում է տպագրություն (typography):
Դիզայնը հեշտացնում է հաղորդակցությունը բրենդի և սպառողի միջև՝ ստեղծելով բրենդի վերաբերյալ առաջին տպավորությունը։ Իսկ եթե դու ցանկանում ես զարգացնել ստեղծագործական հմտություններդ և շտապի՛ր մասնակցել Գրաֆիկ դիզայն դասընթացին և ստեղծի՛ր կարիերադ մեզ հետ։